تجھ عشق کے مریض کی تدبیر شرط ہے — محمد رفیع سودا
شاعر
تجھ عشق کے مریض کی تدبیر شرط ہے
تجھ عشق کے مریض کی تدبیر شرط ہے
لیکن شفا کو گردش تقدیر شرط ہے
سودائی دل کو زلف گرہ گیر شرط ہے
دیوانے کے علاج میں زنجیر شرط ہے
نالے تو میں بہت کئے اس بت کے سامنے
پتھر کے نرم کرنے کو تاثیر شرط ہے
ہو خاک راہ عشق میں تا قدر ہو تری
مس کے طلا بنانے کو اکسیر شرط ہے
کافی ہے اک اشارۂ ابرو ترا ہمیں
کچھ عاشقوں کے قتل کو شمشیر شرط ہے
دل کی شکست و ریخت کی میرے تو لے خبر
ہر گھر کی دیر پائی کو تعمیر شرط ہے
کرتا ہے کس گنہ پہ عقوبت ہمیں تو یار
تعزیر کے تو واسطے تقصیر شرط ہے
سوداؔ میں اس چمن میں ہوں جوں غنچہ دل گرفت
ماتم سرا میں صورت دلگیر شرط ہے
Tujh ishq ke mareez ki tadbeer shart hai
Tujh ishq ke mareez ki tadbeer shart hai
Lekin shifa ko gardish-e-taqdeer shart hai
Saudai dil ko zulf-e-girah-geer shart hai
Deewane ke ilaj mein zanjeer shart hai
Naale to mein bahut kiye us but ke samne
Patthar ke narm karne ko taseer shart hai
Ho khak-e-rah-e-ishq mein ta qadr ho teri
Mis ke tila banane ko ekseer shart hai
Kafi hai ik ishaara-e-abroo tera hamein
Kuch ashiqon ke qatl ko shamsheer shart hai
Dil ki shikast-o-rekht ki mere tu le khabar
Har ghar ki der-pai ko tameer shart hai
Karta hai kis gunah pe uqubat hamein to yaar
Ta'zeer ke to waaste taqseer shart hai
Sauda mein is chaman mein hoon jun ghuncha-e-dil-girift
Matam sara mein soorat-e-dilgeer shart hai
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں