منتظر رہنا بھی کیا چاہت کا خمیازہ نہیں — مظفر وارثی
شاعر
منتظر رہنا بھی کیا چاہت کا خمیازہ نہیں
منتظر رہنا بھی کیا چاہت کا خمیازہ نہیں
کان دستک پر لگے ہیں گھر کا دروازہ نہیں
ہاتھ پر تو نے مقدر کی لکیریں کھینچ دیں
کیا تجھے بھی میرے مستقبل کا اندازہ نہیں
دیکھنا چاہوں تو خوشبو، چھونا چاہوں تو ہوا
میرے دامن تک جو آئے تو وہ شیرازہ نہیں
دفن ہوں احساس کی صدیوں پرانی قبر میں
زندگی اک زخم ہے اور زخم بھی تازہ نہیں
تم ہی اے خاموشیو پتھر اٹھا لو ہاتھ میں
کوئی نغمہ کوئی نالہ کوئی آوازہ نہیں
حسن پہچانے گی میرا دیکھنے والی نظر
خوں تو ہے آنکھوں میں چہرے پر اگر غازہ نہیں
مانگتے ہیں کیوں مظفرؔ لوگ بارش کی دعا
تشنگیٔ روح کا جسموں کو اندازہ نہیں
Muntazir rehna bhi kya chahat ka khamyaza nahin
Muntazir rehna bhi kya chahat ka khamyaza nahin
Kaan dastak par lage hain ghar ka darwaza nahin
Haath par tu ne muqaddar ki lakeerein kheench din
Kya tujhe bhi mere mustaqbil ka andaza nahin
Dekhna chahoon to khushboo, chhoona chahoon to hawa
Mere daman tak jo aaye to woh shiraza nahin
Difn hoon ehsaas ki sadiyon purani qabr mein
Zindagi ek zakhm hai aur zakhm bhi taza nahin
Tum hi ae khamoshiyo patthar utha lo haath mein
Koi naghma koi nala koi awaza nahin
Husn pehchaanegi mera dekhne wali nazar
Khoon to hai aankhon mein chehre par agar ghaza nahin
Maangte hain kyun Muzaffar log barish ki dua
Tishnagi-e-rooh ka jismon ko andaza nahin
شاعر کے بارے میں
مظفر وارثی اردو ادب کے اُن خوش نصیب شاعروں میں شمار ہوتے ہیں جنہیں اپنے عہد میں بھی قدر کی نگاہ سے دیکھا گیا اور جن کا کلام آج بھی عقیدت اور احترام...
مکمل تعارف پڑھیں