وہ قضا کے رنج میں جان دیں کہ نماز جن کی قضا ہوئی — مضطر خیرآبادی
شاعر
وہ قضا کے رنج میں جان دیں کہ نماز جن کی قضا ہوئی
وہ قضا کے رنج میں جان دیں کہ نماز جن کی قضا ہوئی
ترے مست بادۂ شوق نے نہ کبھی پڑھی نہ ادا ہوئی
ترے دور دورۂ عشق میں مری ایک رنگ سے کٹ گئی
نہ ستم ہوا نہ کرم ہوا نہ جفا ہوئی نہ وفا ہوئی
مجھے غیر عجز و نیاز نے ترے در پہ جا کے جھکا دیا
نہ تو کوئی عہد لکھا گیا نہ تو کوئی رسم ادا ہوئی
مرا دل بھی تھا مری جاں بھی تھی نہ وہی رہا نہ یہی رہی
مجھے کیا خبر کہ وہ کیا ہوا مجھے کیا خبر کہ یہ کیا ہوئی
مری عمر مضطرؔ خستہ دل کٹی رنج و درد و فراق میں
نہ کسی سے میری دوا ہوئی نہ دوا سے مجھ کو شفا ہوئی
Woh qaza ke ranj mein jaan dein ke namaz jin ki qaza hui
Woh qaza ke ranj mein jaan dein ke namaz jin ki qaza hui
Tere mast-e-bada-e-shauq ne na kabhi parhi na ada hui
Tere daur-daura-e-ishq mein meri ek rang se kat gai
Na sitam hua na karam hua na jafa hui na wafa hui
Mujhe ghair-e-ajz-o-niyaaz ne tere dar pe ja ke jhuka diya
Na to koi ahd likha gaya na to koi rasm ada hui
Mera dil bhi tha meri jaan bhi thi na wohi raha na yehi rahi
Mujhe kya khabar ke woh kya hua mujhe kya khabar ke yeh kya hui
Meri umr Muztarؔ khasta-dil kati ranj-o-dard-o-firaq mein
Na kisi se meri dawa hui na dawa se mujh ko shifa hui
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں