قاسم کاہلوانہ
شاعر
شرابی
مست موسم ہوا وی مست ہائی
شام گہری فضا وی مست ہائی
بارش دی ہلکی ہلکی پھوار وچ
اک پیاسا رند آگیا خمار وچ
ڈھاندا ڈیگدا گیا میخانے دے وچ
شراب بھر کے پیون لگا پیمانے دے وچ
ساقی بیٹھے اوندے انتظار اچ منحوش ہن
کجھ سر اچ ہن کجھ بے ہوش ہن
ساقی آ کے پوچھیا اے کون خود سر اے
پہلی وار ویکھیا اے رند بے صبر ہے
بلا اجازت ایتھےپیون دستور نیئں
سانوں ہرگز اے مستی منظور نئیں
اٹھو میخشو جام ایندا ختم کر دیو
سر باغی دا تن تو قلم کر دیو
آیندا لہو نال میخانے اچ رقم کر دیو
آیندا رند جو وی بے صبر ہوسی
انجے وانگ ہوندا حشر ہوسی
بہاراں دے وچ نا خزاواں دے وچ
وت کوئی نا آوے خماراں دے وچ
شراب اتنی وی" قاسم " سستی نئیں
جو کتے پی کے بھوکن بازاراں دے وچ
قاسم کاہلوانہ