راشد ڈوگر
شاعر
سُچّے مٹی رُل دے ویکھے
سُچّے مٹی رُل دے ویکھے
لُچّے سونے تُل دے ویکھے
کُتے بستر اُتّے سُتے
بندے تھلّے پُل دے ویکھے
عقلاں والے، ڈٌوہنگے پاہنڈے
مورکھ، تھاں تھاں ڈُل دے ویکھے
ہُونٹاں تے نیں جندرے وجّے
دل سے بوہے کُھل دے ویکھے
سونے رنگے سوہنے چہرے
لیکھے دھیلے مُل دے ویکھے
جیہڑے آکھن ساہ نال ساہ سی
اوہو چیتے بُھل دے ویکھے
اللہ وارث سبھ دا راشد
اوہیو پِیڑے کُل دے ویکھے
راشد ڈوگر