دھڑکا ہے راہ غم میں مرا دل جگہ جگہ — ساحر بھوپالی
شاعر
دھڑکا ہے راہ غم میں مرا دل جگہ جگہ
دھڑکا ہے راہ غم میں مرا دل جگہ جگہ
دعویٰ ہوا ہے ضبط کا باطل جگہ جگہ
کھویا گیا ہوں راہ وفا میں کچھ اس طرح
پھرتی ہے ڈھونڈھتی مجھے منزل جگہ جگہ
بس اک نگاہ لطف کی حسرت لئے ہوئے
پھرتا ہوں بن کے حسن کا سائل جگہ جگہ
طوفان بحر غم میں یوں ہی ڈوب ڈوب کر
پیدا کئے ہیں عشق نے ساحل جگہ جگہ
جیتے بنے ہے غم میں نہ مرتے بنے ہے اب
درپیش ہے بس اک یہی مشکل جگہ جگہ
رنگ شفق یہ تابش انجم یہ بوئے گل
ہے خون آرزو مرا شامل جگہ جگہ
دیکھے تو کیسے حسن حقیقت نشاں کو آنکھ
پردے ہیں احتیاط کے حائل جگہ جگہ
ہے ذرہ ذرہ خاک کا اک حشر درکنار
عرفان غم ہوا مجھے حاصل جگہ جگہ
عالم وہ شوق کا ہے کہ رکتے نہیں قدم
مانا کہ غم ہے دل سے مقابل جگہ جگہ
اس جستجوئے حسن نے آوارہ کر دیا
پھرتا ہے مجھ کو لے کے مرا دل جگہ جگہ
ساحرؔ مجھے ملال کسی سے ہو کس لئے
میرے سخن کے آج ہیں قائل جگہ جگہ
Dhadka hai raah-e-gham mein mera dil jagah jagah
Dhadka hai raah-e-gham mein mera dil jagah jagah
Da'wa hua hai zabt ka batil jagah jagah
Khoya gaya hoon raah-e-wafa mein kuchh is tarah
Phirti hai dhoondhti mujhe manzil jagah jagah
Bas ek nigah-e-lutf ki hasrat liye hue
Phirta hoon ban ke husn ka sail jagah jagah
Toofan-e-bahr-e-gham mein yun hi doob doob kar
Paida kiye hain ishq ne saahil jagah jagah
Jeete bane hai gham mein na marte bane hai ab
Darpesh hai bas ek yehi mushkil jagah jagah
Rang-e-shafaq yeh taabish-e-anjum yeh boo-e-gul
Hai khoon-e-arzoo mera shamil jagah jagah
Dekhe to kaise husn-e-haqeeqat nishaan ko aankh
Parde hain ehtiyaat ke haail jagah jagah
Hai zarra zarra khak ka ek hashr dar-kinaar
Irfaan-e-gham hua mujhe hasil jagah jagah
Alam woh shauq ka hai ke rukte nahin qadam
Mana ke gham hai dil se muqabil jagah jagah
Is justuju-e-husn ne awarah kar diya
Phirta hai mujh ko le ke mera dil jagah jagah
Sahir mujhe malal kisi se ho kis liye
Mere sukhan ke aaj hain qaail jagah jagah
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں