جب خود تڑپ کے وہ مری باہوں میں آ گئے — ساحر بھوپالی
شاعر
جب خود تڑپ کے وہ مری باہوں میں آ گئے
جب خود تڑپ کے وہ مری باہوں میں آ گئے
سب ولولے سمٹ کے نگاہوں میں آ گئے
بڑھتی گئیں زمانے کی جب سرد مہریاں
دل کھنچ کے خود غموں کی پناہوں میں آ گئے
دل پھنک رہا ہے سینے میں دن رات اے خدا
شعلے کہاں سے یہ مری آہوں میں آ گئے
جتنی بھی شکنیں پڑتی گئیں فرق ناز پر
اتنے ہی خم نیاز کی راہوں میں آ گئے
کچھ سوجھتا نہیں ہے مجھے اب سوائے غم
جب سے کہ آپ میری نگاہوں میں آ گئے
ساحرؔ ثواب میں ہو کشش کس لئے کہ جب
سارے مزے سمٹ کے گناہوں میں آ گئے
Jab khud tarap ke woh meri baahon mein aa gaye
Jab khud tarap ke woh meri baahon mein aa gaye
Sab walwale simat ke nigaahon mein aa gaye
Barhti gayeen zamaane ki jab sard meherbaniyaan
Dil khinch ke khud ghamon ki panaahon mein aa gaye
Dil phunk raha hai seene mein din raat ae Khuda
Sho'le kahan se ye meri aahon mein aa gaye
Jitni bhi shikanen parti gayeen farq-e-naaz par
Utne hi kham-e-niyaaz ki raahon mein aa gaye
Kuchh soojhta nahin hai mujhe ab siwaaye gham
Jab se ke aap meri nigaahon mein aa gaye
Saahir! sawaab mein ho kashish kis liye ke jab
Saare maze simat ke gunaahon mein aa gaye
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں