خوش و خرم نہ کوئی ذات ملی — ساحر بھوپالی
شاعر
خوش و خرم نہ کوئی ذات ملی
خوش و خرم نہ کوئی ذات ملی
غم زدہ ساری کائنات ملی
جی سے جو بھی گزر گیا غم میں
اس کو سچ مچ نئی حیات ملی
جس نے دعویٰ کیا محبت کا
اس کو غم سے نہ پھر نجات ملی
دل کو کیا کیا گمان گزرے ہیں
وہ نظر جب بہ التفات ملی
ان کو افسانۂ محبت میں
قابل رد نہ کوئی بات ملی
سارے شکوے گلے تمام ہوئے
جب گلے موت سے حیات ملی
شکوۂ ہجر کیا کروں ساحرؔ
جیسی قسمت تھی ویسی رات ملی
Khush-o-khurram na koi zaat mili
Khush-o-khurram na koi zaat mili
Gham zada saari kaainat mili
Ji se jo bhi guzar gaya gham mein
Us ko sach much nayi hayat mili
Jis ne da'wa kiya mohabbat ka
Us ko gham se na phir nijaat mili
Dil ko kya kya gumaan guzre hain
Woh nazar jab ba-iltifaat mili
Un ko afsana-e-mohabbat mein
Qabil-e-radd na koi baat mili
Saare shikwe gile tamam hue
Jab gale maut se hayat mili
Shikwa-e-hijr kya karoon Sahir
Jaisi qismat thi waisi raat mili
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں