ترے بغیر سکون و قرار کو ترسے — ساحر بھوپالی
شاعر
ترے بغیر سکون و قرار کو ترسے
ترے بغیر سکون و قرار کو ترسے
بہار میں بھی ہم اپنی بہار کو ترسے
ملا نہ چین کسی کل انہیں بھی تڑپا کر
قرار چھین کے وہ بھی قرار کو ترسے
وہ سامنے تھے مگر چشم شوق اٹھ نہ سکی
دم وصال بھی دیدار یار کو ترسے
تمام زندگی گزری تھی عیش سے جن کی
وہ بعد مرگ چراغ مزار کو ترسے
بس اک نظر انہیں دیکھا تو یہ سزا پائی
کہ عمر بھر کے لئے ہم قرار کو ترسے
کیا نہ وصل کا وعدہ بھی اس ستم گر نے
تمام عمر شب انتظار کو ترسے
کچھ ایسی بے خودی چھائی تھی غم کی اے ساحرؔ
کہ ہم شراب بھی پی کر خمار کو ترسے
Tere baghair sukoon-o-qarar ko tarse
Tere baghair sukoon-o-qarar ko tarse
Bahaar mein bhi hum apni bahaar ko tarse
Mila na chain kisi kal unhein bhi tarpa kar
Qarar chheen ke wo bhi qarar ko tarse
Wo saamne the magar chashm-e-shauq uth na saki
Dam-e-visaal bhi deedar-e-yaar ko tarse
Tamaam zindagi guzri thi aish se jin ki
Wo baad-e-marg chiragh-e-mazar ko tarse
Bas ik nazar unhein dekha to ye saza paai
Ke umar bhar ke liye hum qarar ko tarse
Kiya na vasl ka waada bhi us sitamgar ne
Tamaam umar shab-e-intezar ko tarse
Kuch aisi be-khudi chhaayi thi gham ki ae Sahir
Ke hum sharab bhi pi kar khumar ko tarse
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں