ان کی صورت جہاں نظر آئی — ساحر بھوپالی
شاعر
ان کی صورت جہاں نظر آئی
ان کی صورت جہاں نظر آئی
دل کی ہر چوٹ پھر ابھر آئی
مٹ کے ہم ان سے حال کیا کہتے
پرسش غم پہ آنکھ بھر آئی
دل ٹھہرتا نہ تھا مگر ٹھہرا
موت آتی نہ تھی مگر آئی
خود کو میں ڈھونڈنے لگا اس دم
ان کے آنے کی جب خبر آئی
دن تو فرقت کا کٹ گیا لیکن
رات آئی تو بے سحر آئی
مجھ کو دل سے بھلانے بیٹھے ہیں
کیا کریں گے وہ یاد اگر آئی
وہ جو آئے تو مجھ کو ہوش آیا
دل گم گشتہ کی خبر آئی
بھول کر تم کدھر یہ آ نکلے
عید یہ آج کس کے گھر آئی
تم چھٹے جب سے میری دنیا میں
شام آئی نہ پھر سحر آئی
کتنی بے باک ہے محبت بھی
آنکھ ملتے ہی دل میں در آئی
ان کو آنا تھا وہ نہیں آئے
یاد آنی تھی عمر بھر آئی
چاک کرنا پڑا گریباں کو
بات بنتی نہ جب نظر آئی
غم کو ٹالا بہت مگر ساحرؔ
یہ بلا عشق ہی کے سر آئی
Un ki surat jahan nazar aayi
Un ki surat jahan nazar aayi
Dil ki har chot phir ubhar aayi
Mit ke hum un se haal kya kehte
Pursish-e-gham pe aankh bhar aayi
Dil thehrta na tha magar thehra
Maut aati na thi magar aayi
Khud ko main dhoondhne laga is dam
Un ke aane ki jab khabar aayi
Din to furqat ka kat gaya lekin
Raat aayi to be-sahar aayi
Mujh ko dil se bhulane baithe hain
Kya karenge woh yaad agar aayi
Woh jo aaye to mujh ko hosh aaya
Dil gumgashta ki khabar aayi
Bhool kar tum kidhar yeh aa nikle
Eid yeh aaj kis ke ghar aayi
Tum chhute jab se meri duniya mein
Shaam aayi na phir sahar aayi
Kitni be-baak hai mohabbat bhi
Aankh milte hi dil mein dar aayi
Un ko aana tha woh nahin aaye
Yaad aani thi umar bhar aayi
Chak karna pada garebaan ko
Baat banti na jab nazar aayi
Gham ko tala bahut magar Sahir
Yeh bala ishq hi ke sar aayi
شاعر کے بارے میں
ساحر بھوپالی اردو غزل کے اُن شاعروں میں شمار ہوتے ہیں جنہوں نے سادگیِ بیان اور گہرے جذبے کے امتزاج سے اپنی ایک الگ پہچان قائم کی۔ ان کا تعلق تاریخی...
مکمل تعارف پڑھیں