یقین کر کہ حقیقت میں مار دیں گے تجھے
یقین کر کہ حقیقت میں مار دیں گے تجھے یہ اہلِ تخت رعونت میں مار دیں گے تجھے سوال جب بھی اٹھانے لگے گا غیرت کا یہ بے ضمیر ہیں،غیرت میں مار دیں گے تجھے یہاں پہ اہل ِ کرم سے بھی فاصلے رکھنا گلے ملیں گے۔۔۔محبت میں مار دیں گے تجھے اگر ہوں حق میں شواہد بھی تو خیال رہے وڈیرے آکے۔۔عدالت میں مار دیں گے تجھے فقیہہِ شہر کی تقلید کر۔۔وگرنہ یہاں مرید۔۔اندھی عقیدت میں مار دیں گے تجھے ابھی شعور نہیں ہے انہیں قیادت کا مشیر تیرے،حماقت میں مار دیں گے تجھے نئ نقب زنی پکڑی اگر لٹیروں کی پرانے چور حمایت میں مار دیں گے تجھے یہ کامیابیاں کھٹکیں گی جب نگاہوں میں ترے رفیق،رقابت میں مار دیں گے تجھے اگر رکھا گیا انعام تیرے سر پہ کبھی یہ اپنے! اپنی حفاظت میں مار دیں گے تجھے اگر ہے سوچ حسینی(رض)تو یہ بھی ثابت ہے کہ اہل ِ علم جہالت میں مار دیں گے تجھے تجھے بھی صائمہ سودا ہے حق نوائی کا ترے اصول۔۔۔ بغاوت میں مار دیں گے تجھے
English rendering
Yaqeen kar ke haqeeqat mein maar denge tujhe Yeh ahl-e-takht ra'oonat mein maar denge tujhe Sawal jab bhi uṭhane lagenge ghairat ka Yeh be-zameer hain, ghairat mein maar denge tujhe Yahan pe ahl-e-karam se bhi faasle rakhna Gale milenge....mohabbat mein maar denge tujhe Agar hon haq mein shawāhid bhi to khayal rahe Waḍere aake....adalat mein maar denge tujhe Faqīh-e-shahar ki taqleed kar....wagar na yahan Mureed....andhi aqīdat mein maar denge tujhe Abhi shaoor nahin hai inhein qiyadat ka Musheer tere, hamaqat mein maar denge tujhe Nai naqab-zani pakṛi agar luṭeron ki Purane chor himayat mein maar denge tujhe Yeh kamyabiyan khaṭkenge jab nigahon mein Tere rafeeq, raqabat mein maar denge tujhe Agar rakha gaya inaam tere sar pe kabhi Yeh apne! apni hifazat mein maar denge tujhe Agar hai soch Husaini (rz) to yeh bhi sabit hai Ke ahl-e-ilm jahalat mein maar denge tujhe Tujhe bhi Saima sauda hai haq nawaayi ka Tere asool....baghawat mein maar denge tujhe