محبت بے غرض یا خودغرض ھے — سجاد رضا
شاعر
محبت بے غرض یا خودغرض ھے
محبت بے غرض یا خودغرض ھے
محبت بے ریا یا بس ریا ھے
یہ ھے بے لوث یا ھے لوث پرور
ھے سچی مہرباں یا سنگدل ھے
یہ ھے کیا انکساری یا تکبر
سخاوت اس کا خاصہ یا بخیلی
عبادت کی ھےصورت یا ہوس ھے
محبت درد مندی
یا کہ ھے ایذا رسانی
محبت کی حقیقت کیا ھے آخر
محبت۔۔۔۔
محبت اک صحیفہ ھے
جو پہلی سانس لیتے ھی
ھمارے دل پہ اُترا ھے
صحیفوں میں تو لکھا ھے
ریا کاری عبادت خاک کر جائے
تو پھر کیسے ریا کاری محبت ھو
حوس میں اور محبت میں
یہ اک تفریق واضح ھے
محبت وصل کے ھونے نہ ھونے سے مُبرّا ھے
حوس ھے یہ
جو بس اک وصل کی خاطر
ہر اک حد سے گُزر جائے
حوس کو ھم محبت کہہ نہیں سکتے
محبت پارسائی ھے
یہ اک بے لوث جذبہ ھے
وصل کی خواہشوں سے ماورا ھو کر
جسےنہ قول دینا ھے نہ ہی اقرار سننا ھے
بنا شرطوں کے بس جس نے
کسی کودل میں رکھنا ھے
جسے محبوب کی خوشیوں
میں خوش رہنے میں راحت ھے
یہی اس کی حقیقت ھے
یہی سچی محبت ھے
Mohabbat Be-Gharaz Ya Khud-Gharaz Hai
Mohabbat be-gharaz ya khud-gharaz hai
Mohabbat be-riya ya bas riya hai
Yeh hai be-laus ya hai laus parwar
Hai sacchi meherban ya sangdil hai
Yeh hai kya inkisari ya takabbur
Sakhawat is ka khasa ya bakheeli
Ibadat ki hai soorat ya hawass hai
Mohabbat dard mandi
Ya ke hai eeza-rasani
Mohabbat ki haqeeqat kya hai aakhir
Mohabbat....
Mohabbat ek sahifa hai
Jo pehli saans lete hi
Humare dil pe utra hai
Sahifon mein toh likha hai
Riya kari ibadat khak kar jaye
Toh phir kaise riya kari mohabbat ho
Hawass mein aur mohabbat mein
Yeh ek tafreeq wazeh hai
Mohabbat vasl ke hone na hone se mubarra hai
Hawass hai yeh
Jo bas ek vasl ki khatir
Har ek had se guzar jaye
Hawass ko hum mohabbat keh nahin sakte
Mohabbat parsai hai
Yeh ek be-laus jazba hai
Vasl ki khwahishon se mawara ho kar
Jise na qaul dena hai na hi iqrar sunna hai
Bina sharton ke bas jis ne
Kisi ko dil mein rakhna hai
Jise mehboob ki khushiyon
Mein khush rehne mein rahat hai
Yehi is ki haqeeqat hai
Yehi sacchi mohabbat hai
شاعر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجا...
مکمل تعارف پڑھیں