زندگی درد ھے درمان میرے اندر ھے — سجاد رضا
شاعر
زندگی درد ھے درمان میرے اندر ھے
زندگی درد ھے درمان میرے اندر ھے
رفوگری کا بھی سامان میرے اندرھے
تیرا کردار بھی مجھ سے چھپا نہیں لیکن
بھرم جو رکھتا ھوں انسان میرے اندر ھے
جہاں پہ روز بَطل لڑ رہا ھے باطل سے
اک ایسا جنگ کا میدان میرے اندر ھے
مجھے یقیں ھے کہ انسان مجھے ماریں گے
وہ مرچکا ھے جو حیوان میرے اندر ھے
مجھے یقین کی منزل تلاش کرنی ھے
کہ وسوسوں کا بیابان میرے اندر ھے
کرم تو یہ بھی تیرا ںےحساب ھے مولا
کہ تو نے رکھا جو وِجدان میرے اندر ھے
یہ منتظر ھے رضا بس اُسی کےآنے کا
بنا یُوسف ع کے جو کنعان میرے اندر ھے
Zindagi Dard Hai Darmaan Mere Andar Hai
Zindagi dard hai darmaan mere andar hai
Rafugari ka bhi samaan mere andar hai
Tera kirdar bhi mujh se chhupa nahin lekin
Bharam jo rakhta hoon insaan mere andar hai
Jahan pe roz batal lad raha hai baatil se
Ek aisa jung ka maidaan mere andar hai
Mujhe yaqeen hai ke insaan mujhe maarenge
Woh mar chuka hai jo haiwaan mere andar hai
Mujhe yaqeen ki manzil talaash karni hai
Ke waswason ka biyaban mere andar hai
Karam toh yeh bhi tera be-hisaab hai Maula
Ke tu ne rakha jo wajdan mere andar hai
Yeh muntazir hai Raza bas usi ke aane ka
Bina Yusuf (AS) ke jo Kanaan mere andar hai
شاعر کے بارے میں
احساس زندہ ھے تو انسان زندہ ھے اور احساس کو زبان دینا،الفاظ دیناعطا ھے۔۔۔۔ ظُلمت کے اس جنگل میں ھم زندہ ھیں مظلوموں سے کہہ دو ھم شرمندہ ھیں (سجا...
مکمل تعارف پڑھیں