سجاد رضا
شاعر
زندگی ھے اک کشتی جو کہ بادبانی ھے
زندگی ھے اک کشتی جو کہ بادبانی ھے
وقت کی ھواوں نے عمر بھر چلانی ھے
لوٹتے ھیں گھر کو ہی جب سفر مکمل ھو
چھوڑ دے گی یہ بدن، روح آسمانی ھے
ناپسند باتوں پر بولتا نہیں ھوں میں
خامشی کو سمجھو گرپُوری ترجمانی ھے
اب تمہیں خیال آیا،درد کیا سُنائیں اب
آنکھ تک اذیت تھا،گر گیا سو پانی ھے
اُس نے ہر اندھیرے کو نور سے ہی بدلا ھے
اے شبِ ظُلمت ٹھہر،روشنی بھی آنی ھے
قید کرکے تم نے بھی کون سی فتح پائی
شخص کو ہی روکا ھے،فکر لامکانی ھے
قبر میں صدا آئی،بے حِسی میں جی آئے
وہ سفر تمہارا بھی ،سارا رائیگانی ھے
لوگ آج دیکھے ھیں کیا خبر رضا ان کو
ھم نے آج کی خاطر کتنی خاک چھانی ھے
سجاد رضا