بہت دنوں کی بات ہے
بہت دنوں کی بات ہے فضا کو یاد بھی نہیں یہ بات آج کی نہیں بہت دنوں کی بات ہے شباب پر بہار تھی فضا بھی خوش گوار تھی نہ جانے کیوں مچل پڑا میں اپنے گھر سے چل پڑا کسی نے مجھ کو روک کر تری ادا سے ٹوک کر کہا تھا لوٹ آئیے مری قسم نہ جائیے نہ جائیے نہ جائیے مجھے مگر خبر نہ تھی ماحول پر نظر نہ تھی نہ جانے کیوں مچل پڑا میں اپنے گھر سے چل پڑا میں چل پڑا میں چل پڑا میں شہر سے پھر آ گیا خیال تھا کہ پا گیا اسے جو مجھ سے دور تھی مگر مری ضرور تھی اور اک حسین شام کو میں چل پڑا سلام کو گلی کا رنگ دیکھ کر نئی ترنگ دیکھ کر مجھے بڑی خوشی ہوئی میں کچھ اسی خوشی میں تھا کسی نے جھانک کر کہا پرائے گھر سے جائیے مری قسم نہ آئیے نہ آئیے نہ آئیے وہی حسین شام ہے بہار جس کا نام ہے چلا ہوں گھر کو چھوڑ کر نہ جانے جاؤں گا کدھر کوئی نہیں جو ٹوک کر کوئی نہیں جو روک کر کہے کہ لوٹ آئیے مری قسم نہ جائیے بہت دنوں کی بات ہے فضا کو یاد بھی نہیں یہ بات آج کی نہیں بہت دنوں کی بات ہے
English rendering
Bahut dino'n ki baat hai Faza ko yaad bhi nahi'n Yeh baat aaj ki nahi'n Bahut dino'n ki baat hai Shabaab par bahaar thi Faza bhi khushgawaar thi Na jaane kyu'n machal pada Mai'n apne ghar se chal pada Kisi ne mujh ko rok kar Teri adaa se tok kar Kaha tha laut aaiye Meri qasam na jaaiye Na jaaiye na jaaiye Mujhe magar khabar na thi Mahol par nazar na thi Na jaane kyu'n machal pada Mai'n apne ghar se chal pada Mai'n chal pada mai'n chal pada Mai'n shahar se phir aa gaya Khayal tha ke pa gaya Use jo mujh se door thi Magar meri zaroor thi Aur ik haseen shaam ko Mai'n chal pada salaam ko Gali ka rang dekh kar Nayi tarang dekh kar Mujhe badi khushi hui Mai'n kuch isi khushi mei'n tha Kisi ne jhaank kar kaha Paraaye ghar se jaaiye Meri qasam na aaiye Na aaiye na aaiye Wahi haseen shaam hai Bahaar jis ka naam hai Chala hu'n ghar ko chhod kar Na jaane jaau'n ga kidhar Koi nahi'n jo tok kar Koi nahi'n jo rok kar Kahe ke laut aaiye Meri qasam na jaaiye Bahut dino'n ki baat hai Faza ko yaad bhi nahi'n Yeh baat aaj ki nahi'n Bahut dino'n ki baat hai