آدھے سیارے پر — ثروت حسین
شاعر
آدھے سیارے پر
آدھا پیڑ خزاں کی زد میں جس پر پھول نہ پات
آدھے سیارے پر سورج آدھے پر برسات
آدھے فوارے پر پانی اور آدھے میں ریت
سچے ہاتھ درانتی والے کاٹ رہے ہیں کھیت
اچھی فصل ہوئی ہے اب کے مالک کا احسان
اس آنگن میں آؤ ساتھی مل کر کوٹیں دھان
ایک طرف پیتل کی گھنٹی ایک طرف دیوار
اس اجلی آواز کے رخ پر کھولے رکھو دوار
خالی ہاتھ نہیں لوٹے گا اے میرے پاتال
کان کنوں کا ٹوکرا ہو یا ماہی گیر کا جال
Aadhe siyaare par
Aadha ped khizaan ki zad mein jis par phool na paat
Aadhe siyaare par sooraj aadhe par barsaat
Aadhe fawware par paani aur aadhe mein reet
Sacche haath diraanti waale kaat rahe hain khet
Achhi fasal hui hai ab ke malik ka ehsaan
Is aangan mein aao saathi mil kar kooten dhaan
Ek taraf peetal ki ghanti ek taraf deewar
Is ujli aawaz ke rukh par khole rakho dwaar
Khaali haath nahin lautega aye mere paataal
Kaan kunwoon ka tokra ho ya maahi geer ka jaal
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں