آہٹ سی کانوں میں گونجے اور کہیں کھو جائے — ثروت حسین
شاعر
آہٹ سی کانوں میں گونجے اور کہیں کھو جائے
آہٹ سی کانوں میں گونجے اور کہیں کھو جائے
آڑی ترچھی پگڈنڈی پر آوازوں کے سائے
آنے والے دن کا سورج اپنی اور بلائے
بیتے دن کے ہنگاموں پر آنسو کون بہائے
شاید اوس میں بھیگی سڑکیں اپنی آنکھیں کھولیں
شاید دروازوں کے لب پر گیت کوئی لہرائے
شہر کی اجلی دیواروں کا چہرہ ہم بھی دیکھیں
موسم کی پہلی بارش سے گرد اگر چھٹ جائے
زہر کی جھیلوں پر چمکی ہے سچائی کی دھوپ
تیرہ عقائد کی قبروں پر شمعیں کون جلائے
Aahat si kaanon mein goonje aur kahin kho jaaye
Aahat si kaanon mein goonje aur kahin kho jaaye
Aadi tirchhi pagdandi par aawazon ke saaye
Aane wale din ka sooraj apni aur bulaaye
Beete din ke hangamon par aansu kaun bahaaye
Shayad os mein bheegi sadken apni aankhen kholen
Shayad darwazon ke lab par geet koi lehraaye
Shahr ki ujli deewaron ka chehra hum bhi dekhen
Mausam ki pehli barish se gard agar chhut jaaye
Zehar ki jheelon par chamki hai sachchai ki dhoop
Teera aqaid ki qabron par sham'en kaun jalaaye
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں