آنکھوں میں سوغات سمیٹے اپنے گھر آتے ہیں — ثروت حسین
شاعر
آنکھوں میں سوغات سمیٹے اپنے گھر آتے ہیں
آنکھوں میں سوغات سمیٹے اپنے گھر آتے ہیں
بجرے لاگے بندر گاہ پہ سوداگر آتے ہیں
زرد زبور تلاوت کرتی ہے تصویر خزاں کی
عین بہار میں کیسے کیسے خواب نظر آتے ہیں
گندم اور گلابوں جیسے خواب شکستہ کرتے
دور دراز زمینوں والے شہر میں در آتے ہیں
شہزادی تجھے کون بتائے تیرے چراغ کدے تک
کتنی محرابیں پڑتی ہیں کتنے در آتے ہیں
بند قبائے سرخ کی منزل ان پر سہل ہوئی ہے
جن ہاتھوں کو آگ چرا لینے کے ہنر آتے ہیں
Aankhon mein saughaat samete apne ghar aate hain
Aankhon mein saughaat samete apne ghar aate hain
Bajre laage bandar gaah pe saudagar aate hain
Zard zaboor tilawat karti hai tasveer khizaan ki
Ain bahaar mein kaise kaise khwab nazar aate hain
Gandum aur gulaabon jaise khwab shikasta karte
Door daraaz zameenon wale shehr mein dar aate hain
Shahzadi tujhe kaun bataaye tere charaagh-kade tak
Kitni mehraabein padti hain kitne dar aate hain
Band qaba-e-surkh ki manzil un par sehal hui hai
Jin haathon ko aag chura lene ke hunar aate hain
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں