بدن کا بوجھ لیے روح کا عذاب لیے — ثروت حسین
شاعر
بدن کا بوجھ لیے روح کا عذاب لیے
بدن کا بوجھ لیے روح کا عذاب لیے
کدھر کو جاؤں طبیعت کا اضطراب لیے
یہی امید کہ شاید ہو کوئی چشم براہ
چراغ دل میں لیے ہاتھ میں گلاب لیے
عجب نہیں کہ مری طرح یہ اکیلی رات
کسی کو ڈھونڈنے نکلی ہو ماہتاب لیے
سوا ہے شب کے اندھیروں سے دن کی تاریکی
گئے وہ دن جو نکلتے تھے آفتاب لیے
کسی کے شہر میں مانند برگ آوارہ
پھرے ہیں کوچہ بہ کوچہ ہم اپنے خواب لیے
کہاں چلے ہو خیالوں کے شہر میں ثروتؔ
گئے دنوں کی شکستہ سی یہ کتاب لیے
Badan ka bojh liye rooh ka azaab liye
Badan ka bojh liye rooh ka azaab liye
Kidhar ko jaaun tabiyat ka iztirab liye
Yehi ummeed ke shayad ho koi chashm-e-raah
Chiragh dil mein liye haath mein gulab liye
Ajab nahin ke meri tarah yeh akeli raat
Kisi ko dhoondhne nikli ho mahtaab liye
Siwa hai shab ke andheron se din ki tareeki
Gaye woh din jo nikalte thhe aaftaab liye
Kisi ke shahr mein maanind-e-barg-e-aawaara
Phire hain koocha ba koocha hum apne khwaab liye
Kahan chale ho khayalon ke shahr mein Sarwat
Gaye dinon ki shikasta si yeh kitaab liye
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں