دن نکلتا ہے — ثروت حسین
شاعر
دن نکلتا ہے
دن نکلتا ہے کسی اجلے کبوتر کی طرح
آج کس نے میرے دل پر ہاتھ رکھا دھوپ کے پر کی طرح
گھنٹیاں بجنے لگیں
ایک دروازہ کھلا
آج میرے ہاتھ میں اک پھول ہے
لوگ اتریں گے پہاڑوں سے کسی دن شہد کے پیالے لیے
گھڑ سواروں کے قدم سے جگمگائیں گے ببول
ہونٹھ کھولیں گے رسول
شاعری کا ساتھ ہے
اک پری کا ہاتھ ہے
جس کی انگلی میں انگوٹھی جگمگاتی ہے کسی دل کی طرح
دل کی تہہ میں اک سمندر ہے جسے بیدار کرنا ہے مجھے
پار کرنا ہے مجھے
اس کنارے جاؤں گا
گیت اور امید لے کر آؤں گا
تم یہاں اس سنہرے پل سے مجھے آواز دینا
زندگی اک شور ہے ہنستے ہوئے گھر کی طرح
دن نکلتا ہے کسی اجلے کبوتر کی طرح
Din nikalta hai
Din nikalta hai kisi ujle kabootar ki tarah
Aaj kis ne mere dil par haath rakha dhoop ke par ki tarah
Ghantiyan bajne lagin
Ek darwaza khula
Aaj mere haath mein ek phool hai
Log utrenge pahadon se kisi din shehad ke pyale liye
Ghudsawaron ke qadam se jagmagayenge bulbul
Honth kholenge Rasool
Shayari ka saath hai
Ek pari ka haath hai
Jis ki ungli mein angoothi jagmagati hai kisi dil ki tarah
Dil ki teh mein ek samandar hai jise bedaar karna hai mujhe
Paar karna hai mujhe
Us kinare jaunga
Geet aur ummeed le kar aaunga
Tum yahan iss sunahare pul se mujhe aawaz dena
Zindagi ek shor hai hanste hue ghar ki tarah
Din nikalta hai kisi ujle kabootar ki tarah
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں