ایک پل بنایا جا رہا ہے — ثروت حسین
شاعر
ایک پل بنایا جا رہا ہے
میں ان سے پوچھتا ہوں:
پل کیسے بنایا جاتا ہے
پل بنانے والے کہتے ہیں:
تم نے کبھی محبت نہیں کی
میں کہتا ہوں: محبت کیا چیز ہے
وہ اپنے اوزار رکھتے ہوئے کہتے ہیں:
محبت کا مطلب جاننا چاہتے ہو
تو پہلے دریا سے ملو۔۔۔
روئے زمین پر دریا سے زیادہ محبت کرنے والا کوئی نہیں
دریا اپنے سمندر کی طرف بہتا رہتا ہے
یہ سپردگی ہے
یہ سپردگی بچپن ہے اور بچپن بہشت۔۔۔
لیکن بہشت تک پہنچنے کے لئے ایک جہنم سے گزرنا پڑتا ہے
میں پوچھتا ہوں جہنم کیا ہے؟
وہ کہتے ہیں: اس سوال کا جواب درختوں کے پاس ہے
کوئی بھی موسم ہو وہ اپنی جگہ نہیں چھوڑتے
انہیں مٹی سے محبت ہے
انہیں پرندوں اور چیونٹیوں سے محبت ہے
جو ان کے جسم میں گھر بناتی ہیں
'گھر کیا ہے؟' میں پوچھتا ہوں؟
وہ سب ہنسنے لگتے ہیں
پہلا مزدور کہتا ہے:
اپنی عورت کی طرف جاؤ
ہر سوال کا جواب مل جائے گا
Ek pul banaya ja raha hai
Main un se poochta hoon:
Pul kaise banaya jata hai
Pul banane wale kehte hain:
Tum ne kabhi mohabbat nahin ki
Main kehta hoon: mohabbat kya cheez hai
Woh apne auzaar rakhte hue kehte hain:
Mohabbat ka matlab jaanna chahte ho
To pehle darya se milo...
Roo-e-zameen par darya se zyada mohabbat karne wala koi nahin
Darya apne samandar ki taraf behta rehta hai
Yeh supurdagi hai
Yeh supurdagi bachpan hai aur bachpan behisht...
Lekin behisht tak pahunchne ke liye ek jahannum se guzarna padta hai
Main poochta hoon jahannum kya hai?
Woh kehte hain: is sawal ka jawab darakhton ke paas hai
Koi bhi mausam ho woh apni jagah nahin chhodte
Inhein mitti se mohabbat hai
Inhein parindon aur cheentiyon se mohabbat hai
Jo un ke jism mein ghar banati hain
'Ghar kya hai?' main poochta hoon?
Woh sab hansne lagte hain
Pehla mazdoor kehta hai:
Apni aurat ki taraf jao
Har sawal ka jawab mil jayega
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں