اک روز میں بھی باغ عدن کو نکل گیا — ثروت حسین
شاعر
اک روز میں بھی باغ عدن کو نکل گیا
اک روز میں بھی باغ عدن کو نکل گیا
توڑی جو شاخ رنگ فشاں ہاتھ جل گیا
دیوار و سقف و بام نئے لگ رہے ہیں سب
یہ شہر چند روز میں کتنا بدل گیا
میں سو رہا تھا اور مری خواب گاہ میں
اک اژدہا چراغ کی لو کو نگل گیا
بچپن کی نیند ٹوٹ گئی اس کی چاپ سے
میرے لبوں سے نغمۂ صبح ازل گیا
تنہائی کے الاؤ سے روشن ہوا مکاں
ثروتؔ جو دل کا درد تھا نغموں میں ڈھل گیا
Ek roz main bhi baagh-e-adan ko nikal gaya
Ek roz main bhi baagh-e-adan ko nikal gaya
Todi jo shaakh rang fashaan haath jal gaya
Deewar-o-saqaf-o-baam naye lag rahe hain sab
Yeh shehr chand roz mein kitna badal gaya
Main so raha tha aur meri khwab-gah mein
Ek azdaha charaagh ki lau ko nigal gaya
Bachpan ki neend toot gayi us ki chaap se
Mere labon se naghma-e-subh-e-azal gaya
Tanhai ke alao se roshan hua makaan
Sarwat jo dil ka dard tha naghmon mein dhal gaya
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں