گدائے شہر آئندہ تہی کاسہ ملے گا — ثروت حسین
شاعر
گدائے شہر آئندہ تہی کاسہ ملے گا
گدائے شہر آئندہ تہی کاسہ ملے گا
تجاوز اور تنہائی کی حد پر کیا ملے گا
سیاہی پھیرتی جاتی ہیں راتیں بحر و بر پہ
انہی تاریکیوں سے مجھ کو بھی حصہ ملے گا
میں اپنی پیاس کے ہم راہ مشکیزہ اٹھائے
کہ ان سیراب لوگوں میں کوئی پیاسا ملے گا
روایت ہے کہ آبائی مکانوں پر ستارہ
بہت روشن مگر نمناک و افسردہ ملے گا
شجر ہیں اور اس مٹی سے پیوستہ رہیں گے
جو ہم میں سے نہیں آسائشوں سے جا ملے گا
ردائے ریشمی اوڑھے ہوئے گزرے گی مشعل
نشست سنگ پہ ہر صبح گلدستہ ملے گا
وہ آئینہ جسے عجلت میں چھوڑ آئے تھے ساتھی
نہ جانے باد و خاک آثار میں کیسا ملے گا
اسے بھی یاد رکھنا بادبانی ساعتوں میں
وہ سیارہ کنار صبح فردا آ ملے گا
چرا گاہوں میں رک کر آسمانی گھنٹیوں کو
سنو کچھ دیر کہ وہ زمزمہ پیرا ملے گا
اسی کی وادیوں میں طائران رزق جو کو
نشیمن اور اجلی نیند کا دریا ملے گا
اسی جائے نماز و راز پہ اک روز ثروتؔ
اچانک در کھلے گا اور وہ جھونکا ملے گا
Gada-e-shahar-e-aayinda tahi-e-kasa milega
Gada-e-shahar-e-aayinda tahi-e-kasa milega
Tajavuz aur tanhai ki hadd par kya milega
Siyahi pherati jaati hain raatein bahr-o-bar pe
Inheen tareekiyon se mujh ko bhi hissa milega
Main apni pyaas ke hamrah mashkeeza uthaye
Ke in serab logon mein koi pyaasa milega
Rivayat hai ke aaba'i makanon par sitara
Bahut roshan magar namnaak-o-afsurda milega
Shajar hain aur is mitti se paiwasta rahenge
Jo hum mein se nahin aasaishon se ja milega
Rida-e-reshmi odhe hue guzregi mash'al
Nishast-e-sang pe har subah guldasta milega
Woh aaina jise ujlat mein chhod aaye the saathi
Na jaane baad-o-khaak-e-aasaar mein kaisa milega
Use bhi yaad rakhna baadbaani saaton mein
Woh sayyara kinaar-e-subah-e-farda aa milega
Chara gaahon mein ruk kar aasmaani ghantiyon ko
Suno kuch der ke woh zamzama paira milega
Isi ki wadiyon mein taairan-e-rizq-jo ko
Nasheman aur ujli neend ka darya milega
Isi jaa-e-namaz-o-raaz pe ek roz Sarwat
Achanak dar khulega aur woh jhonka milega
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں