گھوڑے کی موت — ثروت حسین
شاعر
گھوڑے کی موت
میں نے ایک گھوڑے کو مرتے ہوئے دیکھا
مرتے ہوئے گھوڑے نے کیا دیکھا
تارکول کی سڑک
اڑتا ہوا کاغذ یا ایک سکہ جو بچے کے ہاتھ سے گر پڑا تھا
یا وہ جنگل جہاں پانی اور پرندوں کے ساتھ اس نے
آنکھ کھولی تھی
یا وہ دن جب پہلے آدمی نے اسے دیکھا تھا
ایک گلے سڑے ڈھانچے پر بارش ہوگی
گھوڑا اک اور جنم لے گا
گاڑی بان کے دل میں
یا کسی نظم میں
Ghode ki maut
Main ne ek ghode ko marte hue dekha
Marte hue ghode ne kya dekha
Taarkol ki sadak
Udta hua kaghaz ya ek sikka jo bachche ke haath se gir pada tha
Ya woh jangal jahan paani aur parindon ke saath us ne
Aankh kholi thi
Ya woh din jab pehle aadmi ne use dekha tha
Ek gale sade dhaanche par baarish hogi
Ghoda ek aur janam le ga
Gaadi baan ke dil mein
Ya kisi nazm mein
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں