انساں کی خوشی کا استعارہ — ثروت حسین
شاعر
انساں کی خوشی کا استعارہ
انساں کی خوشی کا استعارہ
رکھا ہے زمین پر ستارہ
الجھاؤ بہت ہے زندگی میں
کچھ ہوش سے کام لے خدارا
بہتے ہیں چراغ اور بادل
کیا خوب ہے زندگی کا دھارا
اس نے نہ کبھی پلٹ کے دیکھا
میں نے تو اسے بہت پکارا
تھی شام سفر پری کی خاطر
میں نے بھی شفق سے گل اتارا
مٹی کی مہک بتا رہی ہے
گزرا تھا ادھر سے ابر پارہ
Insan ki khushi ka iste'ara
Insan ki khushi ka iste'ara
Rakha hai zameen par sitara
Uljhao bohat hai zindagi mein
Kuch hosh se kaam le khudara
Behte hain charagh aur badal
Kya khoob hai zindagi ka dhara
Us ne na kabhi palat ke dekha
Main ne to use bohat pukara
Thi shaam safar pari ki khatir
Main ne bhi shafaq se gul utara
Mitti ki mehak bata rahi hai
Guzra tha idhar se abr para
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں