اسی زمین پر ایک ختن ہے جس میں اک آہو رہتا ہے — ثروت حسین
شاعر
اسی زمین پر ایک ختن ہے جس میں اک آہو رہتا ہے
اسی زمین پر ایک ختن ہے جس میں اک آہو رہتا ہے
جس کے ہونٹھ پہ تل ہے ثروتؔ آنکھوں میں جادو رہتا ہے
پھر وہ لڑکا ان آنکھوں کی گہرائی میں ڈوب گیا تھا
بیس برس کی حیرانی میں کب دل پر قابو رہتا ہے
اس کے ہجر میں مر سکتا ہوں اس کو قتل بھی کر سکتا ہوں
میری ہر چاہت میں شامل نفرت کا پہلو رہتا ہے
باغ سے باہر ریگستان اور گرم ہواؤں کے لشکر ہیں
باغ کی دیواروں کے اندر موسم ابر و سبو رہتا ہے
وہ بھی دن تھے اس کی خاطر جمع کئے تھے پھول اور آنسو
اب تو ان ہاتھوں میں ثروتؔ کھلا ہوا چاقو رہتا ہے
Isi zameen par ek Khatan hai jis mein ek aahoo rehta hai
Isi zameen par ek Khatan hai jis mein ek aahoo rehta hai
Jis ke honth pe til hai Sarwat aankhon mein jaadu rehta hai
Phir woh ladka un aankhon ki gehraai mein doob gaya tha
Bees baras ki hairaani mein kab dil par qaabu rehta hai
Us ke hijr mein mar sakta hoon us ko qatl bhi kar sakta hoon
Meri har chahat mein shaamil nafrat ka pehlu rehta hai
Baagh se baahar registan aur garam hawaaon ke lashkar hain
Baagh ki deewaron ke andar mausam-e-abr-o-suboo rehta hai
Woh bhi din the us ki khaatir jama kiye the phool aur aansoo
Ab to un haathon mein Sarwat khula hua chaaqu rehta hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں