لفظوں کے درمیان — ثروت حسین
شاعر
لفظوں کے درمیان
دیکھتے ہی دیکھتے انہوں نے سیارے کو لفظوں سے بھر دیا
فیصلوں اور فاصلوں کو طول دینے کا فن انہیں خوب آتا ہے
جہاز بندرگاہوں میں کھڑے ہیں
اور گھروں، گوداموں، دکانوں میں
کسی لفظ کے لئے جگہ نہیں رہی
اتنے بہت سے لفظ۔۔۔ اف خدایا!
مجھے اس زمین پر چلتے ہوئے اٹھائیس برس ہو گئے
باپ، ماں، بہنوں، بھائیوں اور محبوباؤں کے درمیان
انسانوں کے درمیان
میں نے دیکھا
ان تعریفوں، تعارفوں اور تعزیتوں کے لیے
ان کے پاس لرزتے ہوئے ہونٹ ہیں
ڈبڈبائی ہوئی آنکھیں ہیں
گرم ہتھیلیاں ہیں
انہیں کسی ابلاغ کی ضرورت نہیں
نان بائی گنگناتا ہے
اسے لفظ نہیں چاہئے
ایک ناند۔۔۔ آٹا گوندھنے کے لئے
ایک تختہ۔۔۔ پیڑے بنانے کے لئے
ایک سلاخ تنور سے روٹی نکالنے کے لئے
نان بائی کا کام ختم کر لو تو میرے پاس آنا
یہاں کنارے پر سرکنڈوں کا جنگل آپ ہی آپ اگ آیا ہے
کچھ قلم میں نے تراشے ہیں
اور ایک بانسری۔۔۔
باقی سرکنڈوں سے ایک کشتی بنائی ہے
گڈریا، کسان، کاشتکار، موسیقار، آہن گر
سب تیار ہیں
کچھ آوازیں کشتی میں رکھ لی ہیں
مدرسے کی گھنٹی۔۔۔
ایک لوری
اور ایک دعا
ایک نئی زمین پر زندہ رہنے کے لئے اس سے زیادہ کچھ نہیں چاہئے
Lafzon ke Darmiyaan
Dekhte hi dekhte unhon ne siyaare ko lafzon se bhar diya
Faislon aur faaslon ko tool dene ka fan unhein khoob aata hai
Jahaaz bandargaahon mein khade hain
Aur gharon, godaamon, dukanon mein
Kisi lafz ke liye jagah nahin rahi
Itne bohat se lafz... Uff Khudaya!
Mujhe is zameen par chalte hue atthais baras ho gaye
Baap, maa, behnon, bhaiyon aur mehboobaaon ke darmiyaan
Insanon ke darmiyaan
Maine dekha
In tareefon, taarufon aur taaziyaton ke liye
Un ke paas larazte hue honth hain
Dabdabaayi hui aankhein hain
Garm hatheliyan hain
Unhein kisi iblaagh ki zaroorat nahin
Naan baai gungunata hai
Use lafz nahin chahiye
Ek naand... aata goondhne ke liye
Ek takhta... pede banane ke liye
Ek salaakh tanoor se roti nikalne ke liye
Naan baai ka kaam khatm kar lo to mere paas aana
Yahan kinaare par sarkandon ka jungle aap hi aap ug aaya hai
Kuch qalam maine tarashe hain
Aur ek baansuri...
Baaqi sarkandon se ek kashti banayi hai
Gadariya, kisan, kaashtkar, mosiqaar, aahan gar
Sab tayyar hain
Kuch aawazein kashti mein rakh li hain
Madarse ki ghanti...
Ek lori
Aur ek dua
Ek nayi zameen par zinda rehne ke liye is se zyada kuch nahin chahiye
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں