میں تمہیں کیا دے سکتا ہوں — ثروت حسین
شاعر
میں تمہیں کیا دے سکتا ہوں
میں تمہیں کیا دے سکتا ہوں
تربوز کی ایک قاش جس پر ہمارے بچوں نے دانت گاڑ دئے ہیں
ایک جال جسے چوہوں نے جگہ جگہ سے کتر لیا ہے
نظموں کی ایک کتاب جسے گھڑونچی کی بنیاد میں دفن کر دیا گیا
ایک پالنا جس کی رسیاں کاٹ دی گئیں
ایک کوچی جو پچھلے تیس سال سے رنگوں میں ڈوبی ہوئی ہے
ایک نام جس سے میں تمہیں پکارنا چاہتا ہوں
میں تمہیں کیا دے سکتا ہوں اس ہوا دار مکان کے سوا
جہاں ہر چیز تمہارا انتظار کر رہی ہے
Main tumhein kya de sakta hoon
Main tumhein kya de sakta hoon
Tarbooz ki ek qaash jis par hamare bachchon ne daant gaarh diye hain
Ek jaal jise chuuhon ne jagah jagah se kutar liya hai
Nazmon ki ek kitaab jise gharaunchi ki bunyaad mein dafan kar diya gaya
Ek paalna jis ki rassiyan kaat di gayeen
Ek koochi jo pichhle tees saal se rangon mein doobi hui hai
Ek naam jis se main tumhein pukaarna chahta hoon
Main tumhein kya de sakta hoon is hawa daar makaan ke siwa
Jahan har cheez tumhara intizaar kar rahi hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں