میری کشتی ٹوٹ رھی ہے سر سے اونچا پانی ہے — ثروت حسین
شاعر
میری کشتی ٹوٹ رھی ہے سر سے اونچا پانی ہے
میری کشتی ٹوٹ رھی ہے سر سے اونچا پانی ہے
پانی کاٹتے جیون بیتا پھر بھی کتنا پانی ہے
تم بھی خوش ہو اپنے گھر میں اور میں اپنے سمندر میں
اپنی اپنی مٹی ہے اور اپنا اپنا پانی ہے
تم اک ندی تم اک دریا اس سے آگے کیا ہو تم
جتنا تم نے سوچ رکھا ہے اس سے زیادہ پانی ہے
کھلا سمندر میرا گھر ہے میری قبر بھی ہو تو کیا
بازوؤں جیسی لہریں ہیں اور آنکھوں جیسا پانی ہے
اتنی سچی ایسی مکمل تنہائی کب دیکھی تھی
دور دور تک کوئی نہیں ہے سورج ہے یا پانی ہے
جانے عمر کے کس حصے میں اس پر یہ احوال کھلے
اس کی کہانی مٹی ہے اور میرا قصہ پانی ہے
اک لڑکی کا چہرہ ثروتؔ دل کی تہوں میں تیر گیا
ٹوٹتے بنتے ساحل ہیں اور جھاگ اڑاتا پانی ہے
Meri kashti toot rahi hai sar se ooncha paani hai
Meri kashti toot rahi hai sar se ooncha paani hai
Paani kaatte jeewan beeta phir bhi kitna paani hai
Tum bhi khush ho apne ghar mein aur main apne samandar mein
Apni apni mitti hai aur apna apna paani hai
Tum ek nadi tum ek darya is se aage kya ho tum
Jitna tum ne soch rakha hai us se zyada paani hai
Khula samandar mera ghar hai meri qabr bhi ho to kya
Bazoon jaisi lehrein hain aur aankhon jaisa paani hai
Itni sacchi aisi mukammal tanhai kab dekhi thi
Dur dur tak koi nahin hai suraj hai ya paani hai
Jaane umr ke kis hisse mein us par yeh ahwal khule
Uski kahani mitti hai aur mera qissa paani hai
Ek larki ka chehra Sarwat dil ki tahon mein teer gaya
Tootte bante sahil hain aur jhaag uRata paani hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں