منہدم ہوتی ہوئی آبادیوں میں فرصت یک خواب ہوتے — ثروت حسین
شاعر
منہدم ہوتی ہوئی آبادیوں میں فرصت یک خواب ہوتے
منہدم ہوتی ہوئی آبادیوں میں فرصت یک خواب ہوتے
ہم بھی اپنے خشت زاروں کے لیے آسودگی کا باب ہوتے
شہر آزردہ فضا میں آبگینوں کو بروئے کار لاتے
شام کی ان خانماں ویرانیوں میں صحبت احباب ہوتے
تازہ و غم ناک رکھتے آس اور امید کی سب کونپلوں کو
اور پھر ہم راہیٔ باد شبانہ کے لیے مہتاب ہوتے
خود کلامی کے بھنور میں ڈوبتی پرچھائیں بن کر رہ گئے ہیں
اس اندھیری رات میں گھر سے نکلتے تو ستارہ یاب ہوتے
خاک آلودہ زمانوں پر برستی جھومتی کالی گھٹائیں
موسموں کی آب و خاک آرائیوں سے آئنے سیراب ہوتے
Munhadam hoti hui aabadiyon mein fursat-e-yak khwaab hote
Munhadam hoti hui aabadiyon mein fursat-e-yak khwaab hote
Hum bhi apne khisht-zaaron ke liye aasoodgi ka baab hote
Shehr-e-aazurda fiza mein aabgeenon ko bar-rue-kaar laate
Shaam ki in khaana-maan veeraaniyon mein sohbat-e-ahbaab hote
Taza o gham-naak rakhte aas aur ummeed ki sab konpalon ko
Aur phir hum raahi-e-baad-e-shabana ke liye mahtaab hote
Khud-kalami ke bhanwar mein doobti parchhaiyan ban kar reh gaye hain
Is andheri raat mein ghar se nikalte to sitara-yaab hote
Khaak-aalooda zamanon par barasti jhoomti kaali ghataayein
Mausamon ki aab o khaak aaraaiyon se aaine seraab hote
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں