نخل امید پہ ہم صبر کا پھل دیکھیں گے — ثروت حسین
شاعر
نخل امید پہ ہم صبر کا پھل دیکھیں گے
نخل امید پہ ہم صبر کا پھل دیکھیں گے
آج اگر دیکھ نہ پائیں گے تو کل دیکھیں گے
چشم نظارہ ملی ہے تو بہ ہر صورت ہم
آدم خاک کو مصروف عمل دیکھیں گے
ورق زیست پہ لکھیں گے کہانی اپنی
نظم ہستی کو کسی روز بدل دیکھیں گے
ساتھ رکھیں گے اسے باغ کی تنہائی میں
اور فوارے سے گرتا ہوا جل دیکھیں گے
مدتوں بعد کوئی زمزمہ پرداز ہوا
آج ہم لوگ طلسمات غزل دیکھیں گے
لوٹ کر کوئی جہاں سے نہیں آتا ثروتؔ
انہیں راہوں پہ کسی وقت نکل دیکھیں گے
Nakhl-e-umeed pe hum sabr ka phal dekhenge
Nakhl-e-umeed pe hum sabr ka phal dekhenge
Aaj agar dekh na paayenge toh kal dekhenge
Chashm-e-nazara mili hai toh ba har soorat hum
Aadam-e-khaak ko masroof-e-amal dekhenge
Waraq-e-zeest pe likhenge kahani apni
Nazm-e-hasti ko kisi roz badal dekhenge
Saath rakhenge use baagh ki tanhai mein
Aur fawware se girta hua jal dekhenge
Muddaton baad koi zamzama pardaz hua
Aaj hum log tilismat-e-ghazal dekhenge
Lout kar koi jahan se nahin aata Sarwat
Unhin raahon pe kisi waqt nikal dekhenge
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں