پتھروں میں آئنا موجود ہے — ثروت حسین
شاعر
پتھروں میں آئنا موجود ہے
پتھروں میں آئنا موجود ہے
یعنی مجھ میں دوسرا موجود ہے
زمزمہ پیرا کوئی تو ہے یہاں
صحن گلشن میں ہوا موجود ہے
خواب ہو کر رہ گیا اپنے لیے
جاگ اٹھنے کی سزا موجود ہے
اک سمندر ہے دل عشاق میں
جس میں ہر موج بلا موجود ہے
آسمانی گھنٹیوں کے شور میں
اس بدن کی ہر صدا موجود ہے
میں کتاب خاک کھولوں تو کھلے
کیا نہیں موجود کیا موجود ہے
جنت ارضی بلاتی ہے تمہیں
آؤ ثروتؔ راستہ موجود ہے
Pattharon mein aaina maujood hai
Pattharon mein aaina maujood hai
Yaani mujh mein doosra maujood hai
Zamzama pera koi to hai yahan
Sehn-e-gulshan mein hawa maujood hai
Khwab ho kar reh gaya apne liye
Jaag uthne ki saza maujood hai
Ik samandar hai dil-e-ushshaq mein
Jis mein har mauj-e-bala maujood hai
Aasmani ghantiyon ke shor mein
Us badan ki har sada maujood hai
Main kitaab-e-khaak kholoon to khule
Kya nahin maujood kya maujood hai
Jannat-e-arzi bulati hai tumhein
Aao Sarwat raasta maujood hai
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں