قندیل مہ و مہر کا افلاک پہ ہونا — ثروت حسین
شاعر
قندیل مہ و مہر کا افلاک پہ ہونا
قندیل مہ و مہر کا افلاک پہ ہونا
کچھ اس سے زیادہ ہے مرا خاک پہ ہونا
ہر صبح نکلنا کسی دیوار طرب سے
ہر شام کسی منزل غم ناک پہ ہونا
یا ایک ستارے کا گزرنا کسی در سے
یا ایک پیالے کا کسی چاک پہ ہونا
لو دیتی ہے تصویر نہاں خانۂ دل میں
لازم نہیں اس پھول کا پوشاک پہ ہونا
لے آئے گا اک روز گل و برگ بھی ثروتؔ
باراں کا مسلسل خس و خاشاک پہ ہونا
Qandeel-e-mah o mehar ka aflaak pe hona
Qandeel-e-mah o mehar ka aflaak pe hona
Kuchh is se zyada hai mera khaak pe hona
Har subah nikalna kisi deewar-e-tarab se
Har sham kisi manzil-e-gham naak pe hona
Ya ek sitare ka guzarna kisi dar se
Ya ek pyaale ka kisi chaak pe hona
Lau deti hai tasveer nihan khana-e-dil mein
Lazim nahin us phool ka poshaak pe hona
Le aayega ik roz gul o barg bhi Sarwat
Baran ka musalsal khas o khashaak pe hona
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں