رات باغیچے پہ تھی اور روشنی پتھر میں تھی — ثروت حسین
شاعر
رات باغیچے پہ تھی اور روشنی پتھر میں تھی
رات باغیچے پہ تھی اور روشنی پتھر میں تھی
اک صحیفے کی تلاوت ذہن پیغمبر میں تھی
آدمی کی بند مٹھی میں ستارہ تھا کوئی
ایک جادوئی کہانی صبح کے منتر میں تھی
ایک رخش سنگ تھا آتش کدے کے سامنے
ایک نیلی موم بتی دست آہن گر میں تھی
بیچ میں سوئی ہوئی تھی آتش آیندگاں
ایک پیراہن کی ٹھنڈک دھوپ کی چادر میں تھی
پاؤں ساکت ہو گئے ثروتؔ کسی کو دیکھ کر
اک کشش مہتاب جیسی چہرۂ دل بر میں تھی
Raat bagheeche pe thi aur roshni patthar mein thi
Raat bagheeche pe thi aur roshni patthar mein thi
Ek saheefe ki tilawat zehn-e-paighambar mein thi
Aadmi ki band mutthi mein sitara tha koi
Ek jadui kahani subah ke mantar mein thi
Ek rakhsh-e-sang tha aatish-kade ke saamne
Ek neeli mom batti dast-e-aahan-gar mein thi
Beech mein soyi hui thi aatish-e-āyindagāñ
Ek pairahan ki thandak dhoop ki chadar mein thi
Paaon saakit ho gaye Sarwat kisi ko dekh kar
Ek kashish mahtab jaisi chehra-e-dilbar mein thi
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں