سحر ہوگی تارے چلے جائیں گے — ثروت حسین
شاعر
سحر ہوگی تارے چلے جائیں گے
سحر ہوگی تارے چلے جائیں گے
یہ ساتھی ہمارے چلے جائیں گے
کسی اجنبی سرزمیں کی طرف
کنارے کنارے چلے جائیں گے
سنو شب گئے بھیڑ چھٹ جائے گی
یہ عشاق سارے چلے جائیں گے
ترستی رہے گی زمیں دھوپ میں
سبھی ابر پارے چلے جائیں گے
وہ آئے نہ آئے مگر دوستو
اسے ہم پکارے چلے جائیں گے
تو کیا ان اندھیرے مکانوں میں ہم
یوںہی دن گزارے چلے جائیں گے
Sehar hogi taare chale jaayenge
Sehar hogi taare chale jaayenge
Yeh saathi hamare chale jaayenge
Kisi ajnabi sarzameen ki taraf
Kinare kinare chale jaayenge
Suno shab gaye bheed chhat jaayegi
Yeh ushshaaq saare chale jaayenge
Tarasti rahegi zameen dhoop mein
Sabhi abr paare chale jaayenge
Woh aaye na aaye magar dosto
Usay hum pukaare chale jaayenge
To kya in andhere makaanon mein hum
Yunhi din guzaare chale jaayenge
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں