وہ سر بام کیوں نہیں آتا — ثروت حسین
شاعر
وہ سر بام کیوں نہیں آتا
وہ سر بام کیوں نہیں آتا
ڈھل گئی شام کیوں نہیں آتا
حجرۂ ذات میں ہے کیوں روپوش
بر سر عام کیوں نہیں آتا
طائر سرخ سے کبھی پوچھوں
وہ تہ دام کیوں نہیں آتا
اب تو وہ شخص بھی میسر ہے
دل کو آرام کیوں نہیں آتا
کیا ہے اندھیر میکدے والو
مجھ تلک جام کیوں نہیں آتا
میرا سکہ کھرا ہے گر ثروتؔ
پھر کسی کام کیوں نہیں آتا
Woh sar-e-baam kyon nahin aata
Woh sar-e-baam kyon nahin aata
Dhal gayi shaam kyon nahin aata
Hujra-e-zaat mein hai kyon rooposh
Bar sar-e-aam kyon nahin aata
Taair-e-surkh se kabhi poochhun
Woh teh-e-daam kyon nahin aata
Ab toh woh shakhs bhi mayassar hai
Dil ko aaraam kyon nahin aata
Kya hai andher maikade walo
Mujh talak jaam kyon nahin aata
Mera sikka khara hai gar Sarwat
Phir kisi kaam kyon nahin aata
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں