یک بیک منظر ہستی کا نیا ہو جانا — ثروت حسین
شاعر
یک بیک منظر ہستی کا نیا ہو جانا
یک بیک منظر ہستی کا نیا ہو جانا
دھوپ میں سرمئی مٹی کا ہرا ہو جانا
صبح کے شہر میں اک شور ہے شادابی کا
گل دیوار، ذرا بوسہ نما ہو جانا
کوئی اقلیم نہیں میرے تصرف میں مگر
مجھ کو آتا ہے بہت فرماں روا ہو جانا
زشت اور خوب کے مابین جلایا میں نے
جس گل سرخ کو تھا شعلہ نما ہو جانا
چشم کا آئینہ خانے میں پہنچنا ثروتؔ
دل درویش کا مائل بہ دعا ہو جانا
Yak ba yak manzar-e-hasti ka naya ho jaana
Yak ba yak manzar-e-hasti ka naya ho jaana
Dhoop mein surma'i mitti ka hara ho jaana
Subah ke shahar mein ek shor hai shadabi ka
Gul-e-deewar, zara bosa numa ho jaana
Koi aqleem nahin mere tasarruf mein magar
Mujh ko aata hai bahut farmaan rawa ho jaana
Zisht aur khoob ke maabain jalaya main ne
Jis gul-e-surkh ko tha shola numa ho jaana
Chashm ka aaina-khane mein pahunchna Sarwat
Dil-e-darvesh ka mail ba dua ho jaana
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں