یہ جو اک پرچھائیں سی ہے پیراہن میں کہیں — ثروت حسین
شاعر
یہ جو اک پرچھائیں سی ہے پیراہن میں کہیں
یہ جو اک پرچھائیں سی ہے پیراہن میں کہیں
اس بادل کو چھو مت لینا پاگلپن میں کہیں
وہی نشیب اور وہی ستارہ کون ہے تو ہمراہی
سارا جنگل بیت نہ جائے اس الجھن میں کہیں
جیسے کوئی خوش خبر پرندہ زمیں کنارے پر
آگ جلی ہے دور پہاڑی کے دامن میں کہیں
گیتوں سے کچھ خواب تھے جانے کس کے سپرد کیے
اسی شہر کی دیواروں میں یا پھر بن میں کہیں
دو آئینے ایک چراغ کی لو کو دہرانے میں
جلتے جائیں پگھلتے جائیں تیز پون میں کہیں
Yeh jo ek parchhain si hai pairahan mein kahin
Yeh jo ek parchhain si hai pairahan mein kahin
Us baadal ko chhoo mat lena paagalpan mein kahin
Wohi nasheb aur wohi sitara kaun hai tu hamraahi
Saara jangal beet na jaaye is uljhan mein kahin
Jaise koi khush khabar parinda zameen kinare par
Aag jali hai door pahaadi ke daaman mein kahin
Geeton se kuch khwab the jaane kis ke sipurd kiye
Usi shahar ki deewaron mein ya phir ban mein kahin
Do aayine ek chiragh ki lau ko dohrane mein
Jalte jaayen pighalte jaayen tez paun mein kahin
شاعر کے بارے میں
ثروت حسین اردو کے جدید اور صاحبِ طرز شاعر تھے جنہوں نے کم عمری میں ہی اپنی تخلیقی صلاحیتوں کا لوہا منوا لیا۔ وہ 9 نومبر 1949ء کو کراچی میں پیدا ہوئ...
مکمل تعارف پڑھیں