مذکور تیری بزم میں کس کا نہیں آتا — شیخ ابراہیم ذوق
شاعر
مذکور تیری بزم میں کس کا نہیں آتا
مذکور تیری بزم میں کس کا نہیں آتا
پر ذکر ہمارا نہیں آتا نہیں آتا
دیتا دل مضطر کو تیری کچھ تو نشانی
پر خط بھی تیرے ہاتھ کا لکھا نہیں آتا
ہم رونے پر آجائیں تو دریا ہی بہادیں
شبنم کی طرح سے ہمیں رونا نہیں آتا
آتا ہے تو آجا کہ کوئی دم کی ہے فرصت
پھر دیکھئے آتا بھی ہے دم یا نہیں آتا
قسمت سے ہی لاچار ہوں اے ذوق وگرنہ
سب فن میں ہوں طاق مجھے کیا نہیں آتا
شیخ ابراہیم ذوق
Mazkur teri bazm mein kis ka nahin aata
Mazkur teri bazm mein kis ka nahin aata
Par zikr hamara nahin aata nahin aata
Deta dil-e-muztar ko teri kuch toh nishani
Par khat bhi tere haath ka likha nahin aata
Hum rone par aa jayein toh darya hi baha dein
Shabnam ki tarah se hamein rona nahin aata
Aata hai toh aaja ke koi dam ki hai fursat
Phir dekhiye aata bhi hai dam ya nahin aata
Qismat se hi laachar hoon aye Zauq wagarna
Sab fan mein hoon taaq mujhe kya nahin aata
شاعر کے بارے میں
شیخ محمد ابراہیم ذوقؔ اردو کے اُن ممتاز شعرا میں شمار ہوتے ہیں جنہوں نے دہلی کے آخری مغل عہد میں شاعری کو دربار سے عوام تک مؤثر انداز میں پہنچایا۔ ان کی پیدائش اٹھارویں صدی کے اواخر میں دہلی میں ہوئی۔ ابتدائی تعلیم کے بعد انہوں نے حافظ غلام رسول شوق اور بعد ازاں شاہ نصیر دہلوی جیسے نامور اساتذہ سے شاعری کی باقاعدہ تربیت حاصل کی۔ ذوقؔ نے کم عمری ...
مکمل تعارف پڑھیں