دل طلب گار ناز مہوش ہے — ولی محمد ولی
شاعر
دل طلب گار ناز مہوش ہے
دل طلب گار ناز مہوش ہے
لطف اس کا اگرچہ دل کش ہے
مجھ سوں کیوں کر ملے گا حیراں ہوں
شوخ ہے بے وفا ہے سرکش ہے
کیا تری زلف کیا ترے ابرو
ہر طرف سوں مجھے کشاکش ہے
تجھ بن اے داغ بخش سینہ و دل
چمن لالہ دشت آتش ہے
اے ولیؔ تجربے سوں پایا ہوں
شعلۂ آہ شوق بے غش ہے
ولی محمد ولی
Dil talabgaar naaz-e-mehvash hai
Dil talabgaar naaz-e-mehvash hai
Lutf us ka garchih dilkash hai
Mujh sooñ kyun kar milega hairaan hoon
Shokh hai be-wafa hai sarkash hai
Kya teri zulf kya tere abru
Har taraf sooñ mujhe kashakash hai
Tujh bin aye daagh bakhsh seena-o-dil
Chaman-e-lala dasht-e-aatish hai
Aye Wali tajrube sooñ paaya hoon
Shola-e-aah-e-shauq be-ghash hai
شاعر کے بارے میں
ولی محمد ولی، جنہیں ادبی دنیا میں زیادہ تر ولی دکنی یا ولی اردو کے نام سے یاد کیا جاتا ہے، اردو غزل کے باقاعدہ بنیاد رکھنے والے پہلے عظیم شاعر مانے جاتے ہیں۔ ان کا اصل نام ولی محمد تھا، اور تخلص ولی اختیار کیا۔ 1667ء میں اورنگ آباد (دکن) میں پیدا ہوئے۔ دکن کی تہذیبی فضا، فارسی دانی اور صوفیانہ ماحول نے ان کے ذہن اور شعر دونوں کو گہری تاثیر بخشی۔...
مکمل تعارف پڑھیں