آرزو کا کوئی پندار بدل کر آئے — زین شکیل
شاعر
آرزو کا کوئی پندار بدل کر آئے
آرزو کا کوئی پندار بدل کر آئے
میری خاطر کوئی اک بار بدل کر آئے
شہر والوں کو تماشہ ہے تو پھر یونہی سہی
کون حسرت سرِ بازار بدل کر آئے
وہ بھی تو نت نئے کردار کے گرویدہ تھے
اس لیے ہم کئی کردار بدل کر آئے
میں یہ سب کچھ اسے اک بار میں کیسے سونپوں
اس سے کہہ دو کہ کئی بار بدل کر آئے
ہم تو آنکھوں سے ہی پہچان لیا کرتے ہیں
آپ چہرہ یونہی بے کار بدل کر آئے
کب تلک یوں ہی انہیں روز پکاروں یارو
اب تو ان کا کوئی انکار بدل کر آئے
میرے کپڑوں سے ہے الجھن تو سنو ہم جاکر
یوں گئے اور مری سرکار، بدل کر آئے
زین شکیل
Aarzoo ka koi pindaar badal kar aaye
Aarzoo ka koi pindaar badal kar aaye
Meri khaatir koi ek baar badal kar aaye
Shehar walon ko tamasha hai to phir yunhi sahi
Kaun hasrat sar-e-bazaar badal kar aaye
Woh bhi to nat naye kirdaar ke garveeda the
Is liye hum kayi kirdaar badal kar aaye
Mein ye sab kuchh use ek baar mein kaise saunpoon
Is se keh do ke kayi baar badal kar aaye
Hum to aankhon se hi pehchaan liya karte hain
Aap chehra yunhi bekaar badal kar aaye
Kab talak yunhi unhein roz pukaaroon yaaro
Ab to un ka koi inkaar badal kar aaye
Mere kapdon se hai uljhan to suno hum ja kar
Yun gaye aur meri sarkaar, badal kar aaye
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پنجابی ادب کی طرف رہا۔ انہوں نے اپنی فنی اور ادبی دلچسپی کو عملی شکل دیتے ہوئے متعدد شعری مجموعے تخلیق کیے جو قاری کو گہرے جذبات اور احساسات سے روشناس کراتے ہیں۔ ان کے ابتدائی مجموعے "چلو اداسی کے پار ج...
مکمل تعارف پڑھیں