ہمارےبارے میں دنیا اسے بتاتی رہے — زین شکیل
شاعر
ہمارےبارے میں دنیا اسے بتاتی رہے
ہمارےبارے میں دنیا اسے بتاتی رہے
وہ آ زمانے چلی ہے تو آزماتی رہے
اب اس کا ہجر مری جان ہی نہ لے جائے
اسے کہو کہ مرے شہر آتی جاتی رہے
یقیں کرو کہ مجھے اب یقیں نہیں کرنا
ہوا سناتی ہے جو کچھ مجھے سناتی رہے
تری شبوں میں نہ اتریں عذابِ ہجر کبھی
مگر دعا ہے تجھے چاندنی ستاتی رہے
یہ انتظار ہے کیا بھانولی سے پوچھ کبھی
جو اپنے گھر کو یونہی دیر تک سجاتی رہے
لباس شہر سے لاکر ضرور پہنو مگر
خیال رکھنا کہیں سادگی نہ جاتی رہے
میں بھول جاؤں اگر زین اپنی ذات کبھی
کسی کی یاد مجھے آئینہ دکھاتی رہے
Hamare baare mein duniya use batati rahe
Hamare baare mein duniya use batati rahe
Wo aa zamaane chali hai to aazmati rahe
Ab us ka hijr meri jaan hi na le jaaye
Use kaho ke mere shahar aati jaati rahe
Yaqeen karo ke mujhe ab yaqeen nahin karna
Hawa sunati hai jo kuch mujhe sunati rahe
Teri shabon mein na utren azaab-e-hijr kabhi
Magar dua hai tujhe chandni satati rahe
Ye intizar hai kya bhanoli se pooch kabhi
Jo apne ghar ko yunhi der tak sajati rahe
Libas shahar se la kar zaroor pahno magar
Khayal rakhna kahin saadgi na jaati rahe
Main bhool jaaoon agar Zain apni zaat kabhi
Kisi ki yaad mujhe aaina dikhati rahe
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں