ہر شخص کو حالات سنانے نہیں جاتا — زین شکیل
شاعر
ہر شخص کو حالات سنانے نہیں جاتا
ہر شخص کو حالات سنانے نہیں جاتا
تنہائی سے اب ہاتھ ملانے نہیں جاتا
ناراض تو ہو جاؤ مگر ذہن میں رکھنا
میں روٹھنے والوں کو منانے نہیں جاتا
پیڑوں کے تلے بیٹھنا معمول ہے یوں ہی
ہر بات پرندوں کو سنانے نہیں جاتا
جذبات کو تابندگی دے دیتے ہو آ کر
میں روز تمہیں یوں ہی بلانے نہیں جاتا
آتے ہیں مجھے روز سنانے تِری باتیں
میں چھت سے پرندوں کو اڑانے نہیں جاتا
پہلے ہی پریشان رہا کرتا ہے دریا
میں اور اداسی کو بڑھانے نہیں جاتا
آتا ہے عقیدت کا قرینہ مجھے ،اچھا!
دَر دَر پہ چراغوں کو جلانے نہیں جاتا
وہ مجھ سے کبھی بات بھی کرنے نہیں آیا
میں اس سے کبھی آنکھ ملانے نہیں جاتا
اصرار جو کرتے ہو تو کچھ سوچ ہی لوں گا
ورنہ میں کہیں خواب سجانے نہیں جاتا
مانا کہ میں خاموش رہا کرتا ہوں لیکن
میں اس سے کوئی بات چھپانے نہیں جاتا
Har shakhs ko halaat sunane nahin jaata
Har shakhs ko halaat sunane nahin jaata
Tanhai se ab haath milane nahin jaata
Naraz to ho jaao magar zehn mein rakhna
Main roothne walon ko manane nahin jaata
Pedon ke tale baithna mamool hai yun hi
Har baat parindon ko sunane nahin jaata
Jazbaat ko tabindagi de dete ho aa kar
Main roz tumhein yun hi bulane nahin jaata
Aate hain mujhe roz sunane teri baatein
Main chhat se parindon ko udane nahin jaata
Pehle hi pareshan raha karta hai darya
Main aur udasi ko badhane nahin jaata
Aata hai aqeedat ka qareena mujhe, achha!
Dar dar pe charaghon ko jalane nahin jaata
Wo mujh se kabhi baat bhi karne nahin aaya
Main us se kabhi aankh milane nahin jaata
Israr jo karte ho to kuch soch hi loon ga
Warna main kahin khwab sajane nahin jaata
Maana ke main khamosh raha karta hoon lekin
Main us se koi baat chhupane nahin jaata
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں