جلتی کو مت اور جلاؤ، آجاؤ

جلتی کو مت اور جلاؤ، آجاؤ
مت سورج سے آنکھ ملاؤ، آجاؤ
سوچوں کا دریا تم کو لے ڈوبے گا
دیکھو اتنی دور نہ جاؤ، آجاؤ
شہر کے لوگ تو چیخ پکار نہیں سنتے
میرے کان میں بات بتاؤ، آجاؤ
تم بھی تو بیتاب تھے مجھ سے ملنے کو
دور کھڑے ہو مت شرماؤ، آجاؤ
میں نے تم کو دیکھ کے بازو کھولے ہیں
میرے سینے سے لگ جاؤ، آجاؤ
لوگ کہیں تقسیم مجھے نہ کر ڈالیں
جلدی آؤ، آ بھی جاؤ، آجاؤ
بعد میں دل کی بات تمہیں سمجھاؤں گا
پہلے آ کر تم سمجھاؤ، آجاؤ
یوں میں تم کو روز بلایا کرتا ہوں
آؤ، آؤ، آؤ، آؤ، آجاؤ

زین شکیل

Jalti ko mat aur jalao, aa jaao

Jalti ko mat aur jalao, aa jaao
Mat suraj se aankh milao, aa jaao
Sochon ka dariya tum ko le doobe ga
Dekho itni door na jaao, aa jaao
Shehar ke log to cheekh pukaar nahin sunte
Mere kaan mein baat batao, aa jaao
Tum bhi to betaab the mujh se milne ko
Door khade ho mat sharmao, aa jaao
Mein ne tum ko dekh ke baazu khole hain
Mere seene se lag jaao, aa jaao
Log kaheen taqseem mujhe na kar daalein
Jaldi aao, aa bhi jaao, aa jaao
Baad mein dil ki baat tumhein samjhaoon ga
Pehle aa kar tum samjhao, aa jaao
Yun mein tum ko roz bulaya karta hoon
Aao, aao, aao, aao, aa jaao

شاعر کے بارے میں

زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پنجابی ادب کی طرف رہا۔ انہوں نے اپنی فنی اور ادبی دلچسپی کو عملی شکل دیتے ہوئے متعدد شعری مجموعے تخلیق کیے جو قاری کو گہرے جذبات اور احساسات سے روشناس کراتے ہیں۔ ان کے ابتدائی مجموعے "چلو اداسی کے پار ج...

مکمل تعارف پڑھیں

جلتی کو مت اور جلاؤ، آجاؤ — زین شکیل

شاعر