زین شکیل
شاعر
میری ہر بات پہ حیران نہ ہونا پاگل
میری ہر بات پہ حیران نہ ہونا پاگل
کچھ بھی ہو جائے پریشان نہ ہونا پاگل
جیسے میں ٹوٹے ہوئے خواب لیے پھرتا ہوں
اس طرح تم کبھی ویران نہ ہونا پاگل
لوگ پھر اور مصائب میں دھکیلیں گے تمہیں
ہر کسی کے لیے آسان نہ ہونا پاگل
تیری وسعت مجھے تسکین عطا کرتی ہے
یوں ہرے رہنا بیابان نہ ہونا پاگل
مجھ کو آواز کبھی دو گے تو لوٹ آؤں گا
مطمئن رہنا پریشان نہ ہونا پاگل
ایسے تنہائی میں رہ کر نہ گنوانا خود کو
اپنے ہی واسطے نقصان نہ ہونا پاگل
زین شکیل