تمہیں دل سے مٹا دینے کا موسم تھا — زین شکیل
شاعر
تمہیں دل سے مٹا دینے کا موسم تھا
تمہیں دل سے مٹا دینے کا موسم تھا
سو کیا کرتے بھلا دینے کا موسم تھا
ہوا کے زور سے ڈرنا بھی کیا ڈرنا
دیا یوں بھی بجھا دینے کا موسم تھا
ہوائیں ماتمی ہونے لگیں کیونکر
ابھی تو مسکرا دینے کا موسم تھا
زباں تو چپ رہی آنکھیں نہ رہ پائیں
تمہیں سب سے چھپا دینے کا موسم تھا
اسی خاطر تمہیں ہم نے بُلایا ہے
انا کا در گرا دینے کا موسم تھا
مجھے ہی اُس نے افسانہ بنا ڈالا
کوئی قصہ سنا دینے کا موسم تھا
زین شکیل
Tumhein dil se mita dene ka mausam tha
Tumhein dil se mita dene ka mausam tha
So kya karte bhula dene ka mausam tha
Hawa ke zor se darna bhi kya darna
Diya yun bhi bujha dene ka mausam tha
Hawain matami hone lagen kyunkar
Abhi to muskura dene ka mausam tha
Zaban to chup rahi aankhein na rah paain
Tumhein sab se chhupa dene ka mausam tha
Isi khatir tumhein hum ne bulaya hai
Ana ka dar gira dene ka mausam tha
Mujhe hi us ne afsana bana dala
Koi qissa suna dene ka mausam tha
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پنجابی ادب کی طرف رہا۔ انہوں نے اپنی فنی اور ادبی دلچسپی کو عملی شکل دیتے ہوئے متعدد شعری مجموعے تخلیق کیے جو قاری کو گہرے جذبات اور احساسات سے روشناس کراتے ہیں۔ ان کے ابتدائی مجموعے "چلو اداسی کے پار ج...
مکمل تعارف پڑھیں