یہی ملال مجھے بولنے نہیں دیتا — زین شکیل
شاعر
یہی ملال مجھے بولنے نہیں دیتا
یہی ملال مجھے بولنے نہیں دیتا
تمہارا حال مجھے بولنے نہیں دیتا
بہت خوشی میں بہت ہی اداس رہتا ہوں
غموں کا کال مجھے بولنے نہیں دیتا
تمہاری یاد بہت چیختی ہے آ آ کر
کوئی خیال مجھے بولنے نہیں دیتا
وہ میرے حق میں بھی قفلِ زبان توڑے گا
یہ احتمال مجھے بولنے نہیں دیتا
مری نظر سے وہ ہر بات جان لیتا ہے
یہی کمال مجھے بولنے نہیں دیتا
میں بولتا تو قسم سے شہر میں چھا جاتا
کوئی وبال مجھے بولنے نہیں دیتا
وہ جب بھی پوچھتا ہے خواب کیوں سجاتے ہو
تو یہ سوال مجھے بولنے نہیں دیتا
Yahi malaal mujhe bolne nahin deta
Yahi malaal mujhe bolne nahin deta
Tumhara haal mujhe bolne nahin deta
Bahut khushi mein bahut hi udaas rehta hoon
Ghamon ka kaal mujhe bolne nahin deta
Tumhari yaad bahut cheekhti hai aa aa kar
Koi khayal mujhe bolne nahin deta
Woh mere haq mein bhi qufl-e-zabaan torega
Yeh ehtemal mujhe bolne nahin deta
Meri nazar se woh har baat jaan leta hai
Yahi kamaal mujhe bolne nahin deta
Main bolta to qasam se shehr mein chha jaata
Koi wabaal mujhe bolne nahin deta
Woh jab bhi poochhta hai khwaab kyun sajate ho
To yeh sawal mujhe bolne nahin deta
شاعر کے بارے میں
زین شکیل 23 فروری 1992 کو جلالپور جٹاں، گجرات میں پیدا ہوئے۔ تعلیم اور پیشے کے اعتبار سے وہ سافٹ وئیر انجینیئر ہیں، لیکن ان کا دل ہمیشہ اردو اور پن...
مکمل تعارف پڑھیں