زین شکیل

زندگی ہو گئی ہے خفا ان دنوں

زندگی ہو گئی ہے خفا ان دنوں
کوئی رہنے لگا ہے جدا ان دنوں
کاٹ کھانے کو دوڑے ہے یہ خامشی
کوئی دیتا نہیں ہے صدا ان دنوں
مستقل بن گئی سوچ حیرت کدہ
کر رہا ہے وفا، بے وفا ان دنوں
درد سارے مجھے راس آنے لگیں
دے رہا ہے کوئی یہ دعا ان دنوں
ڈھونڈنے لگ گیا ہوں میں خود کو کہیں
مجھ کو ملتا نہیں راستہ ان دنوں
ایک جھونکا تری یاد کا بھول کر
دینے آیا مجھے آسرا ان دنوں
آج سارے شہر کو خبر ہو گئی
زین میرا نہیں وہ رہا ان دنوں

زین شکیل