ایسا بلکل بھی نہیں پیار نہیں کرنا ہے — زبیر قلزم
شاعر
ایسا بلکل بھی نہیں پیار نہیں کرنا ہے
ایسا بلکل بھی نہیں پیار نہیں کرنا ہے
پیار تو کرنا ہے اظہار نہیں کرنا ہے
حسن کے آگے یہ دل ہار گیا ہوں لیکن
مجھ کو اس ہار کا اقرار نہیں کرنا ہے
تیر نظروں کا چلاؤ یہ اجازت ہے تمہیں
شرط ہے تیر جگر پار نہیں کرنا ہے
دل کی حسرت ہے عجب سامنے آئے اک دن
سامنے آئے تو دیدار نہیں کرنا ہے
سخت منکر ہیں محبت کے مگر سوچتے ہیں
وہ اگر پوچھے تو انکار نہیں کرنا ہے
آپ کے واسطے ہی در یہ کھلے گا جو کھلا
گھر کو گھر رکھنا ہے بازار نہیں کرنا ہے
حسرتیں پھندہ بنیں حرج نہیں ہے قلزؔم
اس کی بانہوں کو کبھی ہار نہیں کرنا ہے
Aisa bilkul bhi nahin pyar nahin karna hai
Aisa bilkul bhi nahin pyar nahin karna hai
Pyar to karna hai izhaar nahin karna hai
Husn ke aage yeh dil haar gaya hoon lekin
Mujh ko is haar ka iqrar nahin karna hai
Teer nazron ka chalao yeh ijazat hai tumhein
Shart hai teer jigar paar nahin karna hai
Dil ki hasrat hai ajab samne aaye ik din
Samne aaye to deedaar nahin karna hai
Sakht munkir hain mohabbat ke magar sochte hain
Woh agar pooche to inkaar nahin karna hai
Aap ke waste hi dar yeh khulega jo khula
Ghar ko ghar rakhna hai bazaar nahin karna hai
Hasratein phanda banin harj nahin hai Qulzum
Is ki baanhon ko kabhi haar nahin karna hai
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں