بات بے بات غزل کہتے ہیں — زبیر قلزم
شاعر
بات بے بات غزل کہتے ہیں
بات بے بات غزل کہتے ہیں
یعنی دن رات غز کہتے ہیں
شہر میں بولتی ہے وہ اردو
اور مضافات غزل کہتے ہیں
جب بھی آئے وہ مرے گاؤں میں
کھیت باغات غزل کہتے ہیں
اس لیے شعر میرے سنتی ہے
میرے جذبات غزل کہتے ہیں
دیکھ کر اس کے لبوں کی جنبش
یہ سماوات غزل کہتے ہیں
میں کہاں کوئی سخن کہتا ہوں
یہ تو حالات غزل کہتے ہیں
جب اٹھیں اس کی نشیلی آنکھیں
سب خرابات غزل کہتے ہیں
حادثہ ہو کے گزر جاتا ہے
اس کے اثرات غزل کہتے ہیں
حسن بڑھ جاتا ہے قلزؔم اس کا
جب خیالات غزل کہتے ہیں
Baat be baat ghazal kehte hain
Baat be baat ghazal kehte hain
Yaani din raat ghaz kehte hain
Shehar mein bolti hai woh Urdu
Aur mazafaat ghazal kehte hain
Jab bhi aaye woh mere gaaon mein
Khet baghaat ghazal kehte hain
Iss liye sher mere sunti hai
Mere jazbaat ghazal kehte hain
Dekh kar uske labon ki jumbish
Yeh samawaat ghazal kehte hain
Main kahan koi sukhan kehta hoon
Yeh toh halaat ghazal kehte hain
Jab uthein uski nasheeli aankhein
Sab kharabaat ghazal kehte hain
Hadisa ho ke guzar jaata hai
Uske asraat ghazal kehte hain
Husn badh jaata hai Qulzum uska
Jab khayalaat ghazal kehte hain
شاعر کے بارے میں
آج آپ کو بے تکلفات کا اظہار کرنے والے ناتواں لیکن تمام دنیا سے لڑ جانے والے سرکش عاشق'فلسفہ پہ گہری نظر رکھنے والے اور خودار شاعر سے متعارف کرواتے ...
مکمل تعارف پڑھیں